Сиэтлл болон Кинг Каунти хотын оршин суугчид вакцинжуулалтад хамрагдах тухай

2021 оны1 дүгээр сарын 22-ноос эхлэн Вашингтоны эрүүл мэндийн газар 1b1 үе шатлалын дор Сиэтлл болон Кинг Каунти хотын оршин суугчдыг Ковид 19-өөс сэргийлэх вакцинд хамруулж эхэллээ. Бид уг вакцинжуулалтын талаар дараах мэдээллийг уламжилж байна.

^{Вакцинжуулалтад хэн хамрагдах вэ?} 

Үүнд 1a:

• Ковидын эрсдэлтэй бүсэд ажиллаж байгаа бүх шатны ажилчид
•  Урт хугацааны даатгалтай ажилчид болон ард иргэд
• Гэрийн асрамжинд байгаа иргэд болон тэднийг асран хамгаалагч нар

1b1:

• 65 ба түүнээс дээш насныхан
• 50 ба түүнээс дээш насныхан. Хэрэв тэд үр хүүхэд ач зээ нартайгаа амьдардаг бол тэдний гэр бүлийнхэн бүгд хамрагдах
• Бие даан амьдрах боломжгүй хэн нэгний халамж, асрамжийн дор амьдардаг бол

^{Хэн хамрагдах боломжгүй вэ?} 

• 50 нас хүрээгүй иргэд
• 50 нас хүрээгүй, хамтрагчаа халамжилдаг иргэд
• Үр хүүхдээ өөрөө асран хамгаалах чадвартай 50 нас хүрээгүй иргэд

^{Хэрхэн цаг авах вэ?} 

Вакцины хоёр тун аль аль нь хангамжийн хувьд хязгаарлагдмал байгаа. Их хэмжээний хандалтаас үүдэн саатал үүсч болзошгүй байгаа бөгөөд вакцины олон цэгүүдээр үйлчлүүлэх боломжтой.

Та өөрийн харьяа эмнэлгийн төв болон эмч рүүгээ залгаж хэрэв хоосон цаг байвал вакциндаа хамрагдах цаг авах боломжтой. Хэрэв танд эрүүл мэндийн үйлчилгээ үзүүлэх төв болон хувь эмч байхгүй бол Washington State's Phase Finder төвийн www.FindYourPhaseWA.org хаягаар цахимаар холбогдож өөрийн мэдээллийг бөглөөд вакцинд хамрагдах боломжтой эсэхийг баталгаажуулсанаар боломжтой вакцины төвийн байршил, мэдээллийг авч болно. Хэрэв та интернэт ашиглах боломжгүй бол Вашингтон мужийн Ковид-19 ийн нэгдсэн тусламжийн 1-800-525-0127 утсаар Даваа-Баасан гарагт 06:00-22:00, амралтын өдрүүдэд 08:00-18:00 цагийн хооронд холбогдож утсаар тусламж авах боломжтой.  Хэрэв таны дэргэд цахим бүртгэлд хамрагдахад тань туслах хэн нэгэн байгаа бол таны цагийг илүү хэмнэнэ гэдгийг анхаарна уу.

^{Вакциндаа хамрагдахаар ирэхдээ авч ирэх шаардлагатай зүйлсийн жагсаалт:}

• Хувийн бүртгэл буюу овог нэр, амьдарч буй мужийн мэдээлэл бүхий үнэмлэх. Шаардлага хангасан 1a шатны ажилтаны ажлын үнэмлэх байж болно
• Бүртгэл баталгаажуулсан хуудас: Вакцинжуулалтад хамрагдах шаардлагыг хангасан бүртгэлийн хуудсыг хэвлэсэн хэлбэрээр эсвэл гаргацтай харагдахуйц гар утасны зураг хэлбэрээр авч ирэх. 1а шатанд ажил олгогчоос олгосон бичгийг ашиглаж болно. Уг бичигт ажилтаны овог нэр болон эрүүл мэндийн яамнаас тогтоосон 1а шатны шаардлагуудад нийцсэн мэдэгдэл байх ёстой.
• Богино эсвэл задгай ханцуйтай хувцастай ирэх

^{Вакцинжуулалтад хамрагдсаны дараа юу хийх ёстой вэ?}

^{Хоёр дахь тунг хийлгэх цаг товлох}

Эхний вакцинаа хийлгэсэн бол, хоёр дахь тунг тариулах цагаа авах. Хэрэв та Pfizer-BioNTech тариулсан бол хоёр дахь тунг 21 хоногийн дараа тариулах ёстой, харин Moderna тариулсан бол хоёр дахь тунг 28 хоногийн дараа хийлгэх ёстой. Ингэснээр та вирусын халдвараас бүрэн сэргийлэхүйц болох юм.

^{V-safe аппликэйшнийг гар утсандаа суулгах}

Энэ нь Ковид 19-ийн тархалт болон өвчлөлийг хянах, сэргийлэх төвийн гаргасан гар утасны аппликэйшн бөгөөд та вакцины эхний тунг хийлгэмэгц V-safe-ийг гар утсандаа суулгах хэрэгтэй. Энэхүү аппликэйшн нь танд дараагийн тунг тариуцлах хугацааг сануулах бөгөөд хэрэв таны биед ямар нэг сөрөг шинж илэрвэл яаралтай тусламжийн хэсэгт хандан мэдэгдэх боломжтой. Вакцины нэгдүгээр тунг хийлгэсний дараа танд толгой өвдөх, сульдах, халуурах, гар хөндүүрлэн өвдсөөр байх зэрэг сөрөг шинж илэрч болзошүй.

^{Ковид хөл хорионы болон урьдчилан сэргийлэх дүрэм журмыг сахиж мөрдсөөр байх}

Вакцин таныг халдвараас хамгаалах хэдий ч энэ нь 100% баталгаатай биш юм. Мөн одоогоор вакцины нөлөөлөл, тархалтаас хамгаалж буй талаар үр дүн мэдэгдээгүй байна. Вакцины нэг болон хоёрдугаар тунг хийлгэсний дараа ч халдвар авч болзошгүй тул амны хаалтаа үргэлжлүүлэн зүүж, хөл хорионы үеийн халдвар хамгааллын дүрэм журмыг үргэлжлүүлэн мөрдсөөр байх хэрэгтэйг мэргэжилтнүүд сануулсаар байна.